Este 2019 cúmprense dous aniversarios destacados para as persoas que rexeitamos o militarismo. O primeiro deles, os 30 anos da insubmisión, lémbranos o poderosa que pode ser a desobediencia civil non violenta como arma para transformar o sistema. Afrontando penas de cadea e sancións de todo tipo, centos de persoas negáronse a facer o Servizo Militar Obrigatorio, até que a solidariedade e o apoio da maior parte da sociedade forzou a súa abolición.

Para moitas crianzas o verán é tempo de campamentos. Sabemos que na actualidade a oferta é moi ampla e variada, pero descoñeciamos que estes son tamén espazos e momentos para inculcar o militarismo nas máis cativas.

A sorpresa e o enfado o atopamos cando lemos isto na web da Compañía de Jóvenes y Cadetes Millán Astray:

"Tras varios años de experiencia en los campamentos de verano, hemos creado el CJC, un nuevo concepto en materia de entretenimiento y educación. Nuestros alumnos-cadetes, serán formados,   dirigidos y tratados como auténticos soldados, sin olvidar que son jóvenes que buscan vivir una agradable experiencia. Con una temática totalmente marcial en la que la doctrina militar sera la base de esta aventura, serán supervisados por nuestro personal altamente cualificado procedente de algunas de las mejores unidades del Ejercito Español: Cazadores de Montaña, Unidad Militar de Emergencia, Legión, Guardia Real… todos militares y ex-militares al servicio de la CJC.

Nun ano no que de novo se aumentou nun 32% o Gasto MiIitar respecto ao 2016 e preténdese incrementar o gasto en Defensa, entre o 50% ou 80% nos próximos 6 anos para achegarse á meta do 2% do PIB en 2024, establecida no cumio de Gales da OTAN e esixida por EEUU.

Desde o Espazo Aberto Antimilitar consideramos que é máis importante ca nunca seguir promovendo a Desobediencia Civil contra a militarización da sociedade a través da Obxección Fiscal aos Gastos Militares. Esta estratexia basease na non disposición a colaborar co estado nos gastos de preparación de guerras e mantemento da estrutura militar, desobedecendo activamente no momento de realizar a declaración da renda (IRPF).

Consiste tecnicamente en aproveitar a declaración do IRPF para desviar unha parte da totalidade dos nosos impostos a un proxecto que traballe na defensa dun progreso social solidario.

Dámoslle pulo a esta nova publicada pola xente de Tortuga Antimilitar:

"Hai poucas semanas publicabamos unha estimación sobre canto dedicaran o Estado español e as Comunidades Autónomas en 2017 ao gasto militar e de control social. Faciámolo con motivo do inicio da campaña de Obxección Fiscal ao Gasto Militar.

"Nin a guerra é paz. Nin a liberdade é escravitude. Nin a ignorancia é forza"

Con estas tres frases queremos amosar, outro ano máis, o noso rexeitamento ás guerras e á industria militar. Malia as dificultades crecentes, seguimos a recuncar na campaña pola Obxección Fiscal aos Gastos Militares coincidindo co lanzamento do perído para presentar as declaracións da renda 2017.


Nos inicios deste mes de abril Facenda lanzou a campaña da renda 2017. Coincidindo coa apertura da data para presentar a declaración da renda, varios colectivos do estado propoñemos a campaña pola Obxección Fiscal 2018.

Lembrade que se queredes facer Obxección Fiscal non confirmar o borrador da declaración da renda. Xuntamos información sobre como facer a Obxección Fiscal (a achega que propoñemos nós é de 80€ a detraer do que se destinaría a Gasto MIlitar nos Orzamentos Xerais) > http://www.grupotortuga.com/Campana-de-Objecion-Fiscal-al,305 

Achegamos a continuación o texto que lanzamos este ano que vai estruturado por temas:

Exército 0.0

O proceso cara á conquista da independencia e a proclamación da República Catalá axudou a lembrarnos, grazas en gran medida ás sinceras declaracións da ministra de defensa, cal é o verdadeiro papel das Forzas Armadas; o de defender a “unidade territorial” de España.

Dende o Espazo Aberto Antimilitar propoñemos dentro da campaña pola Obxección Fiscal aos Gastos Militares 2018 varios destinos aos cales podedes enviar os cartos que desviedes nas vosas declaracións:

- ILP Campaña en Defensa do Monte Autóctono: o principal obxectivo da campaña é o de aumentar a conservación das nosas masas de árbores e o coñecemento sobre a súa necesaria existencia, tamén como recursos produtivos e de creación de emprego.

“Cousa de Raíces” quere devolver ao noso bosque o valor que ten, a todos os niveis (ambiental, económico, social, cultural, paisaxístico, etc.), contando coa participación e apoio dos diversos sectores interesados e comprometidos coas masas arbóreas autóctonas, porque as reivindican, porque as estudan, porque as coidan, porque as precisan para vivir.

Aínda faltan unhas semanas para que Facenda comece coa campaña da renda 2018. Nós adiantámonos á propaganda do goberno e iniciamos a nosa actividade cunha chamada a non colaborar coas guerras cos nosos cartos.

Ide metendo na cachola isto:

Nin un euro para a guerra!

Non confirmes o borrador.

Fai Obxección Fiscal aos Gastos Militares!

Nunhas semanas iremos dando máis info da campaña galega para este 2018.

 

Páxinas