2010

O pasado sábado 19 de xuño o Espazo Aberto Antimilitar saía á rúa para visibilizar as enormes contías que o Estado invirte na guerra, no ano pasado ese gasto supuxo o 12,47% do orzamento total.

Eses datos chaman moito máis a atención se os comparamos cos dedicados a partidas como educación, sanidade, prestacións sociais, etc. Por iso no cruce de Príncipe con Colón puxemos varias caixas que representaban esas enormes diferenzas. No acto tamén aproveitamos para lembrar que ata finais de mes temos tempo para facer Obxección Fiscal aos Gastos Militares nas nosas declaracións.

Se pensas que un gasto militar de 23.115'03 millóns euros (o 12,47% do Orzamento Xeral do Estado Español) é inaceptable achégate ás actividades que no mes de xuño organizamos dende o Espazo Aberto Antimilitar contra os gastos militares:

- Charla/debate: xoves 17 ás 20h30 no CSA Guindastre (Xulián Estévez 22, Teis)

- Acto de rúa: sábado 19 ás 18h00 no cruce de Colón con Príncipe.

E non te esquezas de facer Obxección Fiscal na túa declaración da renda!

Dende o Espazo Aberto Antimilitar propoñemos dentro da campaña pola Obxección Fiscal aos Gastos Militares 2010 varios destinos aos cales podedes enviar os cartos que desviedes nas declaracións:

- Asociación Revolucionaria de Mulleres de Afganistán (RAWA): trátase dunha organización política independente de mulleres afganas en loita polos dereitos humanos e a xustiza social dende 1977. Máis información na súa web: www.rawa.org

- A Ría Non Se Vende: rede de colectivos na defensa das continuas agresións que sofre a ría de Vigo. Máis información na súa web: www.arianonsevende.org

O Espazo Aberto Antimilitar dentro das actividades da campaña contra o gasto militar e pola obxección fiscal 2010 organiza a charla:

"O intervencionismo de exército español, caso de Afganistán" a cargo de Alejandro Pozo (investigador do Centre d'Estudis per la Pau J.M. Dels - Justícia i Pau, www.justiciaipau.org). Terá lugar o venres 16 de abril ás 20h30 no CSA "Cova dos Ratos" (Romil 3 baixo - Vigo).

Cascos azuis en misión de paz, ou... militares da OTAN en misión de guerra?

O Estado español colabora coa ocupación militar de Afganistán, a cal non deixa de matar á poboación civil. 1550 son os millóns de euros gastados. 14000 os militares españois que teñen pasado por Afganistán, máis de 1500 actualmente fixos a petición dos EE.UU. Xa son 90 os soldados españois mortos. As baixas civís poden chegar ás 31000 persoas mortas...

Dende Alternativa Antimilitarista - MOC ofrecen o cálculo do Gasto Militar no estado español para o ano 2010. Como veñen facendo nos últimos anos suxiren dous cómputos diferentes: o gasto estricto, e outro máis amplo que denominan “gasto militar + control social” ao que lle engaden o gasto das principais policías e o gasto carcelario.

Á hora de facer o cálculo toman como referencia o que o propio presupostou o pasado outono nos seus Orzamentos Xerais do Estado para 2010 e sinalan que "como ben aclarando o investigador José Toribio nos seus últimos informes, a realidade que aflora no intre de facer as contas ao final de cada exercicio, é que o estado entre unha cousa e outra cada ano ven realizando un gasto militar entre un 15 e un 20% superior ao que presuposta."

O Espazo Aberto Antimilitar lanza outro ano máis a campaña pola Obxección Fiscal aos Gastos Militares (OFGM) baixo o lema: "Os teus impostos matan, ti podes desarmalos". Como cada ano vos propoñemos destinos alternativos aos que enviar os cartos, este ano ademais do propio Espazo son: A Ría Non Se Vende e a Asociación Revolucionaria de Mulleres de Afganistán (RAWA).

"Os teus impostos matan, ti podes desarmalos".

Coa que está caendo (crise económica e os conseguintes recortes sociais), o Goberno vai empregar (como mínimo) a cantidade de 18.160,89 millóns de euros en gasto militar. Cantidade que, obviamente, aportamos todas vía impostos; cantidade que NON será dedicada a pensións, ensino, sanidade ou subsidios, por poñer algúns exemplos.

Esta inversión continuada, descomunal e disparatada en investigación militar, armamento e en manter un exército cada vez máis expedicionario, non contribúe en absoluto a mellorar a seguridade de ninguén. Antes ben, supón un risco para a existencia da vida, e do mesmo planeta.

Programas coma o HAARP* estadounidense, consistente na manipulación da propia atmosfera para poñela ao servizo da eficiencia militar, poñen en evidencia que este risco non é unha hipótese posíbel nun futuro lonxano, senón que é unha realidade plenamente actual.